ਬੱਸੀ ਪਠਾਣਾਂ (ਉਦੇ ਧੀਮਾਨ ) ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਪ੍ਰਬਧੰਕ ਕਮੇਟੀ ਦੀ ਵਿਸ਼ੇਸ਼ ਮੀਟਿੰਗ ਕਮੇਟੀ ਪ੍ਰਧਾਨ ਸੁਰਜੀਤ ਸਿੰਗਲਾ ਦੀ ਪ੍ਰਧਾਨਗੀ ਹੇਠ ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਵਿਖੇ ਹੋਈ। ਇਸ ਮੀਟਿੰਗ ਵਿੱਚ ਸ਼ਹਿਰ ਦੀਆਂ ਸਮੂਹ ਧਾਰਮਿਕ, ਸਮਾਜਿਕ ਅਤੇ ਰਾਨੀਤਿਕ ਸੰਸਥਾਵਾਂ ਦੇ ਮੈਂਬਰਾਂ ਨੇ ਭਾਗ ਲਿਆ। ਪ੍ਰਭੂ ਸ਼੍ਰੀ ਰਾਮ ਚੰਦਰ ਜੀ ਦੇ ਜਨਮ ਅਸਥਾਨ ਅਯੁੱਧਿਆ ਵਿਖੇ ਬਿਰਾਜਮਾਨ ਹੋਣ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਸਬੰਧੀ ਕਮੇਟੀ ਦੇ ਜਨਰਲ ਸਕੱਤਰ ਓਮ ਪ੍ਰਕਾਸ਼ ਗੌਤਮ ਅਤੇ ਮੰਦਰ ਦੇ ਪੁਜਾਰੀ ਸੇਵਕ ਰਾਮ ਸ਼ਰਮਾਂ ਨੇ ਹਾਜ਼ਰ ਮੈਂਬਰਾਂ ਨੂੰ ਦੱਸਿਆ ਕਿ ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਵਿੱਚ 20-1-2024 ਤੋਂ 22-1-2024 ਤੱਕ ਪ੍ਰਾਣ ਪ੍ਰਤਿਸ਼ਠਾ ਉਤਸਵ ਮਨਾਇਆ ਜਾਵੇਗਾ ਕਿਉਂਕਿ ਇਸ ਦਿਨ ਲਈ ਸਾਡੇ ਪੁਰਖਿਆਂ ਨੇ ਲਗਭਗ 500 ਸਾਲਾਂ ਤੱਕ ਬਹੁਤ ਸੰਘਰਸ਼ ਕੀਤਾ ਅਤੇ ਬਹੁਤ ਸਾਰੇ ਮਹਾਨ ਸੇਵਕਾਂ ਨੇ ਆਪਣੀਆਂ ਜਾਨਾਂ ਕੁਰਬਾਨ ਕੀਤੀਆਂ ਅਤੇ ਸਾਡੇ ਸੰਤ ਸਮਾਜ ਨੇ ਇਸ ਲਈ ਬਹੁਤ ਕੁਝ ਕੀਤਾ ਹੈ। ਉਨ੍ਹਾਂ ਦੀ ਬਦੌਲਤ ਅੱਜ ਸਾਨੂੰ ਇਹ ਸੌਭਾਗਿਆ ਦਾ ਦਿਹਾੜਾ ਮਿਲਿਆ ਹੈ, ਇਸ ਲਈ ਸਾਨੂੰ ਇਸ ਤਿਉਹਾਰ ਨੂੰ ਦੀਵਾਲੀ ਵਾਂਗ ਮਨਾਉਣਾ ਚਾਹੀਦਾ ਹੈ, ਇਸ ਲਈ ਸਾਰੀਆਂ ਸੰਸਥਾਵਾਂ ਨੂੰ ਇਸ ਸ਼ੁਭ ਕਾਰਜ ਵਿੱਚ ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਦਾ ਸਹਿਯੋਗ ਦੇਣਾ ਚਾਹੀਦਾ ਹੈ। ਇਸ ਮੌਕੇ ਹਾਜ਼ਰ ਸ਼੍ਰੀ ਰਾਮ ਨਾਟਕ ਤੇ ਸੋਸ਼ਲ ਕਲੱਬ ਦੇ ਪ੍ਰਧਾਨ ਨੀਰਜ ਕੌੜਾ, ਧੀਮਾਨ ਬ੍ਰਾਹਮਣ ਸਭਾ ਦੇ ਪ੍ਰਧਾਨ ਅਸ਼ੋਕ ਧੀਮਾਨ, ਬ੍ਰਾਹਮਣ ਸਮਾਜ ਸੇਵਾ ਸੰਗਠਨ ਦੇ ਜਨਰਲ ਸਕੱਤਰ ਪ੍ਰਵੀਨ ਕਪਿਲ, ਗਊਸ਼ਾਲਾ ਕਮੇਟੀ ਦੇ ਪ੍ਰਧਾਨ ਮੋਹਨ ਲਾਲ ਗੋਗਨਾ ਅਤੇ ਭਗਵਾਨ ਬਾਲਮੀਕ ਸਭਾ ਦੇ ਪ੍ਰਧਾਨ ਰਾਜੀਵ ਵਾਲਮੀਕੀ ਅਤੇ ਹਾਜ਼ਰ ਜੱਥੇਬੰਦੀਆਂ ਨੇ ਸ਼੍ਰੀ ਰਾਮ ਮੰਦਰ ਕਮੇਟੀ ਨੂੰ ਆਪਣਾ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ। ਸਾਰੇ ਮੈਂਬਰਾਂ ਨੇ ਸਰਬਸੰਮਤੀ ਨਾਲ ਪਾਸ ਕੀਤਾ ਕਿ 22 ਜਨਵਰੀ ਨੂੰ ਇੱਕ ਵਿਸ਼ਾਲ ਰੱਥ ਯਾਤਰਾ ਅਤੇ ਸ਼ੋਭਾ ਯਾਤਰਾ ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਵਿੱਚ ਦੀ ਹੁੰਦੀ ਹੋਈ ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਵਿਖੇ ਸਮਾਪਤ ਹੋਵੇਗੀ। ਉਨ੍ਹਾਂ ਨੇ ਦੱਸਿਆ ਕਿ ਸ਼ਹਿਰ ਨੂੰ ਰੌਸ਼ਨੀਆਂ ਨਾਲ ਸਜਾਇਆ ਜਾਵੇਗਾ ਅਤੇ ਪੂਰੇ ਸ਼ਹਿਰ ਵਿਚ ਪ੍ਰਸ਼ਾਦ ਵਜੋਂ ਲੱਡੂ ਵੰਡੇ ਜਾਣਗੇ ਅਤੇ ਇਸ ਸ਼ੁਭ ਕਾਰਜ ਲਈ 1 ਜਨਵਰੀ ਤੋਂ ਅਯੁੱਧਿਆ ਤੋਂ ਆਏ ਅਕਸ਼ਤ ਪੂਰੇ ਸ਼ਹਿਰ ਵਿੱਚ ਵੰਡੇ ਜਾਣਗੇ ਅਤੇ ਸਮੂਹ ਸ਼ਹਿਰ ਵਾਸੀਆਂ ਨੂੰ ਇਸ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਜਾਵੇਗਾ।ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਮਾਰੂਤ ਮਲਹੋਤਰਾ, ਡਾ: ਦੀਵਾਨ ਧੀਰ, ਗੌਰਵ ਗੋਇਲ ਐਡਵੋਕੇਟ, ਪੰਕਜ ਭਨੋਟ, ਹਮਿੰਦਰ ਦਲਾਲ, ਅਮਿਤ ਜਿੰਦਲ, ਰਾਜਨ ਭੱਲਾ, ਬਲਰਾਮ ਚਾਵਲਾ, ਪ੍ਰਿੰਸ, ਮਹੇਸ਼ ਧੀਮਾਨ,ਅਜੈ ਕੁਮਾਰ, ਹੈਰੀ, ਦਿਨੇਸ਼ ਖੰਨਾ, ਦਿਨੇਸ਼ ਗੁਪਤਾ, ਦੀਪਕ ਬੈਕਟਰ, ਅਸ਼ੋਕ ਗੋਤਮ, ਨਰੇਸ਼ ਗੌਤਮ, ਰਾਜਨ ਬੱਤਰਾ, ਮਨੋਜ ਕੁਮਾਰ ਭੰਡਾਰੀ, ਨੀਰਜ ਕੌੜਾ ਅਤੇ ਅਨਿਲ ਲੂੰਬਾ, ਮੋਹਨ ਲਾਲ ਗੋਗਨਾ, ਲਕਸ਼ਮੀ ਝਾਅ (ਗੁੱਡੂ ਪੰਡਿਤ), ਪੰਡਿਤ ਵਿਨੋਦ ਮਿਸ਼ਰਾ, ਅਸ਼ੋਕ ਧੀਮਾਨ, ਬਲਜਿੰਦਰ ਧੀਮਾਨ, ਰਾਜਾ ਰਾਮ, ਸਮਾਜ ਸੇਵੀ ਪਵਨ ਬਾਂਸਲ, ਓਮ ਪ੍ਰਕਾਸ਼ ਤਾਗੜੀ, ਰਾਜੀਵ ਮਲਹੋਤਰਾ, ਮਹੰਤ ਕਮਲ ਵੈਰਾਗੀ,ਰਾਜਕਮਲ ਸ਼ਰਮਾਂ, ਅਜੈ ਸਿੰਗਲਾ, ਅਸ਼ੋਕ ਗੌਤਮ,ਰਮੇਸ਼ ਮਲਹੋਤਰਾ,ਸ਼ਿਆਮ ਸੁੰਦਰ ਜਰਗਰ, ਗੋਪਾਲ ਕ੍ਰਿਸ਼ਨ ਭੱਲਾ,ਰਵੀ ਗੁਪਤਾ,ਸਮਾਜ ਸੇਵੀ ਅਨੂਪ ਸਿੰਗਲਾ,ਸੰਦੀਪ ਬਾਂਸਲ,ਸੰਜੀਵ ਬੱਬਾ, ਮਹੰਤ ਸੰਦੀਪ ਬਾਵਾ,ਪੰਡਤ ਰਾਮ ਭਜਨ,ਰਾਕੇਸ਼ ਕੁਮਾਰ ਰੋਕੀ,ਬਨੀਤ ਕੁਮਾਰ ਭੱਲਾ, ਹਰਜੋਤ ਸਿੰਘ, ਨਿਤਿਨ ਕੁਮਾਰ, ਸ਼ਵਨ ਕੁਮਾਰ ਅਭੀ ਸਮੇਤ ਸ਼ਹਿਰ ਦੇ ਕਈ ਪਤਵੰਤੇ ਹਾਜ਼ਰ ਸਨ।
