ਪੀਰ ਪੰਜਾਲ ਪਹਾੜਾਂ ਦੀ ਜ਼ਮੀਨ ਬਾਦਲ ਨੇ ਖ਼ਰੀਦੀ
ਸ਼ਿਮਲਾ, 31 ਦਸੰਬਰ (ਨਿਊਜ਼ ਟਾਊਨ ਨੈਟਵਰਕ): ਸਾਬਕਾ ਕ੍ਰਿਕਟਰ ਅਤੇ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਆਪਣੀ ਧੀ ਨਾਲ ਮਨਾਲੀ ਅਤੇ ਪੀਰ ਪੰਜਾਲ ਪਹਾੜਾਂ ਦੀ ਸੈਰ ਕਰ ਰਹੇ ਹਨ। ਸਿੱਧੂ ਨੂੰ ਪੀਰ ਪੰਜਾਲ ਪਹਾੜਾਂ ਵਿੱਚ ਪੰਜਾਬ ਦੇ ਬਾਦਲ ਪਰਿਵਾਰ ਦੀ ਜ਼ਮੀਨ ਵੀ ਮਿਲੀ। ਸਿੱਧੂ ਨੇ ਉੱਥੇ ਇਕ ਸਥਾਨਕ ਕੁੜੀ ਨਾਲ ਗੱਲ ਕੀਤੀ ਅਤੇ ਗੱਲਬਾਤ ਦੌਰਾਨ, ਬਾਦਲ ਪਰਿਵਾਰ 'ਤੇ ਚੁਟਕੀ ਲਈ। ਨਵਜੋਤ ਸਿੰਘ ਸਿੱਧੂ ਨੇ ਇੰਸਟਾਗ੍ਰਾਮ 'ਤੇ ਸਥਾਨਕ ਕੁੜੀ ਨਾਲ ਆਪਣੀ ਗੱਲਬਾਤ ਦਾ ਇੱਕ ਵੀਡੀਓ ਸਾਂਝਾ ਕੀਤਾ। ਇਸ ਵੀਡੀਓ ਵਿਚ ਸਿੱਧੂ ਨੇ ਬਾਦਲ ਪਰਿਵਾਰ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਪੰਜਾਬ ਦਾ ਬਾਦਲ ਸਿੰਘ ਹਿਮਾਚਲ ਪਹੁੰਚ ਗਿਆ ਹੈ। ਸਿੱਧੂ ਨੇ ਬਾਦਲਾਂ 'ਤੇ ਵਿਅੰਗ ਕਰਨ ਲਈ ਪੰਜਾਬੀ ਕਹਾਵਤ "ਚੁਪੋ ਗੰਨੇ, ਘੜੇ ਤੇ ਕੌਲਾ" ਦੀ ਵੀ ਵਰਤੋਂ ਕੀਤੀ। ਸਿੱਧੂ ਕਹਿੰਦੇ ਹਨ ਕਿ ਬਾਦਲਾਂ ਨੇ ਇਥੇ ਵੀ ਆਪਣਾ ਕੰਮ ਕਰ ਦਿਤਾ ਹੈ। ਨਵਜੋਤ ਸਿੰਘ ਸਿੱਧੂ ਆਪਣੀ ਧੀ ਨਾਲ ਹਿਮਾਚਲ ਦੀਆਂ ਵਾਦੀਆਂ ਦੀ ਸੈਰ ਕਰ ਰਹੇ ਹਨ। ਉਨ੍ਹਾਂ ਨੇ ਆਪਣੀ ਧੀ ਨਾਲ ਦੋ ਵੀਡੀਓ ਸਾਂਝੇ ਕੀਤੇ ਹਨ। ਇਕ ਵੀਡੀਓ ਮਨਾਲੀ ਦੇ ਇਕ ਹੋਟਲ ਦੇ ਲਾਅਨ ਦਾ ਹੈ ਜਦਕਿ ਦੂਜਾ ਪੀਰ ਪੰਜਾਲ ਪਹਾੜਾਂ ਦਾ ਹੈ। ਦੋਵਾਂ ਵੀਡੀਓਜ਼ ਵਿਚ ਉਹ ਆਪਣੀ ਧੀ ਨਾਲ ਮਜ਼ਾਕ ਕਰਦੇ ਅਤੇ ਹੱਸਦੇ ਹੋਏ ਦਿਖਾਈ ਦੇ ਰਹੇ ਹਨ।
——————————
This news is auto published from an agency/source and may be published as received.
