ਬੱਸੀ ਪਠਾਣਾਂ (ਉਦੇ ਧੀਮਾਨ) ਪ੍ਰਾਚੀਨ ਸ਼੍ਰੀ ਰਾਮ ਮੰਦਰ ਪ੍ਰਬੰਧਕ ਕਮੇਟੀ ਵੱਲੋਂ ਭਾਜਪਾ ਬੱਸੀ ਪਠਾਣਾਂ ਦੀ ਹਲਕਾ ਇੰਚਾਰਜ ਡਾ.ਦੀਪਕ ਜਯੋਤੀ ਨੂੰ ਮੰਦਰ ਵਿੱਚ ਹੋਣ ਵਾਲੇ ਤਿੰਨ ਰੋਜ਼ਾ ਸਮਾਗਮ ਵਾਰੇ ਜਾਣਕਾਰੀ ਦਿੱਤੀ ਅਤੇ ਅਕਸ਼ਤ ਦੇ ਕੇ ਸਦਾ ਦਿੱਤਾ। ਇਸ ਮੌਕੇ ਦੀਪਕ ਜਯੋਤੀ ਨੇ ਕਿਹਾ ਕਿ ਭਗਵਾਨ ਰਾਮ 500 ਸਾਲ ਦੇ ਬਨਵਾਸ ਤੋਂ ਬਾਅਦ ਆਪਣੇ ਘਰ ਪਰਤ ਰਹੇ ਹਨ। ਅਜਿਹੇ ‘ਚ ਸਾਰੇ ਰਾਮ ਭਗਤਾਂ ਨੂੰ ਚਾਹੀਦਾ ਹੈ ਕਿ ਉਹ ਪ੍ਰਾਣ ਪ੍ਰਤਿਸ਼ਠਾ ਵਾਲੇ ਦਿਨ ਆਪਣੇ ਨੇੜਲੇ ਮੰਦਰ ‘ਚ ਪਹੁੰਚ ਕੇ ਉਥੋਂ ਇਸ ਪ੍ਰੋਗਰਾਮ ਦਾ ਹਿੱਸਾ ਬਣਨ। ਅਕਸ਼ਤ ਦੇ ਨਾਲ-ਨਾਲ ਟਰੱਸਟ ਵੱਲੋਂ ਭੇਜਿਆ ਸੰਦੇਸ਼ ਵੀ ਭਗਤਾਂ ਨੂੰ ਦਿੱਤਾ ਜਾ ਰਿਹਾ ਹੈ। ਆਪਣੇ ਘਰ ਵਿੱਚ ਦਿੱਤੀ ਗਈ ਰਾਮ ਮੰਦਰ ਦੀ ਤਸਵੀਰ ਲਗਾਈ ਜਾਣੀ ਚਾਹੀਦੀ ਹੈ। ਸਾਰੇ ਰਾਮ ਭਗਤਾਂ ਨੂੰ ਮਾਨਸਿਕ ਤੌਰ ‘ਤੇ ਰਾਮ ਮੰਦਰ ‘ਚ ਅਕਸ਼ਿਤ ਦੀ ਪੂਜਾ ਦੇ ਨਾਲ-ਨਾਲ ਪ੍ਰਾਣ ਪ੍ਰਤੀਸ਼ਠਾ ਪ੍ਰੋਗਰਾਮ ‘ਚ ਸ਼ਾਮਲ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਦੱਸਿਆ ਕਿ ਗੋਸਵਾਮੀ ਤੁਲਸੀਦਾਸ ਨੇ ਭਗਵਾਨ ਸ਼੍ਰੀ ਰਾਮ ਨੂੰ ਦਹੀਂ ਅਤੇ ਚੌਲ ਖਾਂਦੇ ਵਿਖਾਇਆ ਸੀ, ਇਸ ਲਈ ਇਸ ਨੂੰ ਮਹਾਪ੍ਰਸਾਦ ਵੀ ਕਿਹਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਅਕਸ਼ਿਤ ਰਾਹੀਂ ਦਿੱਤਾ ਜਾ ਰਿਹਾ ਸੱਦਾ ਪ੍ਰਮਾਤਮਾ ਦੀ ਜ਼ਮੀਰ ਦੀ ਤਰਜਮਾਨੀ ਕਰ ਰਿਹਾ ਹੈ, ਕਾਮਨਾ ਕੀਤੀ ਜਾਂਦੀ ਹੈ ਕਿ ਧਾਨ ਦੇ ਇਸ ਹਿੱਸੇ ਰਾਹੀਂ ਬਰਕਤ ਪਾਈ ਜਾਵੇ। ਵਿਆਹ ਸ਼ਾਦੀਆਂ ਵਿੱਚ ਵੀ ਧਾਨ ਵਰਤਿਆ ਜਾਂਦਾ ਹੈ, ਤਾਂ ਜੋ ਬਰਕਤ ਬਣੀ ਰਹੇ। ਇਸੇ ਲਈ ਅਕਸ਼ਤ ਰਾਹੀਂ ਸੱਦਾ ਦਿੱਤਾ ਜਾ ਰਿਹਾ ਹੈ। ਇਸ ਮੌਕੇ ਓਮ ਪ੍ਰਕਾਸ਼ ਗੌਤਮ,ਮਾਰੂਤ ਮਲਹੌਤਰਾ,ਪੰਕਜ਼ ਭਨੋਟ,ਰਾਜੀਵ ਮਲਹੌਤਰਾ,ਬਲਰਾਮ ਚਾਵਲਾ, ਡਾ. ਦੀਵਾਨ ਧੀਰ,ਅਮਿਤ ਵਰਮਾ, ਹਰਮੇਸ਼ ਸ਼ਰਮਾਂ, ਅਜੈ ਕਨੌਜੀਆ,ਸੋਹਣ ਲਾਲ ਮੈਨਰੋ, ਕੁਲਦੀਪ ਪਾਠਕ ਆਦਿ ਹਾਜ਼ਰ ਸਨ।
