ਸਰਹਿੰਦ 6 ਦਸੰਬਰ (ਥਾਪਰ): ਪੇਂਡੂ ਸਵੈ ਰੁਜ਼ਗਾਰ ਸਿਖਲਾਈ ਸੰਸਥਾ(ਐੱਸ ਬੀ ਆਈ ਆਰ ਸੇਟੀ ) ਪਿੰਡ-ਮਹਦੀਆ,ਫ਼ਤਹਿਗੜ੍ਹ ਸਾਹਿਬ ਵਿਖੇ ਸਿਖਿਆਰਥੀਆਂ ਨੂੰ ਸਰਟੀਫਿਕੇਟ ਵੰਡ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਇਹ ਟ੍ਰੇਨਿੰਗ ਪ੍ਰੋਗਰਾਮ ਡਾਇਰੈਕਟਰ ਸ੍ਰੀ ਮਤੀ ਬਬੀਤਾ ਸੰਧੂ ਦੀ ਨਿਗਰਾਨੀ ਹੇਠ ਕਰਵਾਇਆ ਗਿਆ।ਜਿਸ ਦੇ ਵਿੱਚ ਸ੍ਰੀ ਸੁਰਿੰਦਰ ਸਿੰਘ ਧਾਲੀਵਾਲ ਏਡੀਸੀ ਡੀ ਉਚੇਚੇ ਤੌਰ ਤੇ ਮਹਿਮਾਨ ਰਹੇ।ਉਹਨਾਂ ਵਲੋਂ ਇਹ ਵੀ ਦਸਿਆ ਗਿਆ ਕਿ ਇਸ ਸਿਖਲਾਈ ਸੰਸਥਾ ਵਿੱਚ ਹੋਰ ਵੀ ਲੱਗਭਗ 70 ਤਰ੍ਹਾਂ ਦੇ ਪ੍ਰੋਗਰਾਮ ਜੋ ਕਿ ਬਿਲਕੁਲ ਫਰੀ ਕਰਵਾਏ ਜਾਂਦੇ ਹਨ ਅਤੇ ਫ਼ਤਹਿਗੜ੍ਹ ਸਾਹਿਬ ਜ਼ਿਲ੍ਹੇ ਦੇ ਪਿੰਡਾਂ ਦੇ ਬੇਰੋਜਗਾਰ ਨੌਜਵਾਨ ਪੀੜ੍ਹੀ ਇਸ ਦਾ ਲਾਭ ਉਠਾ ਸਕਦੇ ਹਨ।ਉਹਨਾਂ ਨੇ ਸਿਖਿਆਰਥੀਆਂ ਨਾਲ ਗੱਲਬਾਤ ਕੀਤੀ ਅਤੇ ਗੱਲਬਾਤ ਦੇ ਦੌਰਾਨ ਓਹਨਾ ਨੇ ਸਿਖਿਆਰਥੀਆਂ ਨੂੰ ਜਿੰਨਾ ਨੂੰ ਕ੍ਰੀਏਟਿਵ ਜੇਵੈਲਰੀ ਬਨੌਣ ਦੀ ਟ੍ਰੇਨਿੰਗ ਦਿੱਤੀ ਗਈ ਨੂੰ ਸਵੈ ਰੁਜ਼ਗਾਰ ਬਾਰੇ ਪ੍ਰੇਰਿਤ ਕੀਤਾ।ਇਸ ਮੌਕੇ ਦੌਰਾਨ ਉਨ੍ਹਾਂ ਨੇ ਡਾਇਰੈਕਟਰ ਆਰ ਸੈਟੀ ਅਤੇ ਸਮੂਹ ਸਟਾਫ ਦੇ ਕੰਮਾਂ ਦੀ ਸ਼ਲਾਘਾ ਕੀਤੀ।ਇਸ ਤੋਂ ਬਾਅਦ ਡਾਇਰੈਕਟਰ ਆਰ ਸੈਟੀ ਵਲੋ ਏਡੀਸੀ ਸਾਹਿਬ ਦਾ ਇਸ ਮੌਕੇ ਦੌਰਾਨ ਪੋਹਚਨ ਤੇ ਬਹੁਤ ਧਨਵਾਦ ਕੀਤਾ।
——————————
This news is auto published from an agency/source and may be published as received.
