ਫ਼ਤਹਿਗੜ੍ਹ ਸਾਹਿਬ, ਰੂਪ ਨਰੇਸ਼:
ਸਾਬਕਾ ਵਿਧਾਇਕ ਕੁਲਜੀਤ ਸਿੰਘ ਨਾਗਰਾ ਨੇ ਸਰਹਿੰਦ ਸ਼ਹਿਰ, ਸਰਹਿੰਦ ਮੰਡੀ ਅਤੇ ਰੇਲਵੇ ਰੋਡ ਹਮਾਯੂੰਪੁਰ ਵਿਖੇ ਮਨਾਏ ਗਏ ਸ਼੍ਰੀ ਕ੍ਰਿਸ਼ਨ ਜਨਮਾਸ਼ਟਮੀ ਦੇ ਪਵਿੱਤਰ ਤਿਉਹਾਰ ਮੌਕੇ ਵਿੱਚ ਸ਼ਿਰਕਤ ਕੀਤੀ। ਇਸ ਮੌਕੇ ਉਨ੍ਹਾਂ ਨੇ ਭਗਵਾਨ ਸ਼੍ਰੀ ਕ੍ਰਿਸ਼ਨ ਦੇ ਚਰਨਾਂ ਵਿੱਚ ਨਮਨ ਕਰਦੇ ਹੋਏ ਸਮੂਹ ਸੰਗਤ ਨੂੰ ਜਨਮਾਸ਼ਟਮੀ ਦੀਆਂ ਮੁਬਾਰਕਬਾਦਾਂ ਦਿੱਤੀਆਂ।
ਸ:ਨਾਗਰਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਭਗਵਾਨ ਸ਼੍ਰੀ ਕ੍ਰਿਸ਼ਨ ਦਾ ਜੀਵਨ ਸੱਚਾਈ, ਧਰਮ, ਦ੍ਰਿੜਤਾ ਅਤੇ ਕਰੁਣਾ ਦਾ ਪ੍ਰਤੀਕ ਹੈ। ਉਨ੍ਹਾਂ ਦੇ ਉਪਦੇਸ਼ ਅੱਜ ਵੀ ਮਨੁੱਖਤਾ ਨੂੰ ਸਹੀ ਰਾਹ ‘ਤੇ ਤੁਰਨ ਲਈ ਪ੍ਰੇਰਨਾ ਦਿੰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਜਨਮਾਸ਼ਟਮੀ ਵਰਗੇ ਤਿਉਹਾਰ ਸਾਨੂੰ ਆਪਸੀ ਭਾਈਚਾਰੇ, ਪ੍ਰੇਮ, ਸਹਿਯੋਗ ਅਤੇ ਏਕਤਾ ਦਾ ਸੰਦੇਸ਼ ਦਿੰਦੇ ਹਨ।
ਇਸ ਮੌਕੇ ਭਜਨ ਕੀਰਤਨ ਰਾਹੀਂ ਭਗਤੀਮਈ ਮਾਹੌਲ ਬਣਿਆ, ਜਿੱਥੇ ਸਥਾਨਕ ਨਿਵਾਸੀਆਂ, ਵਪਾਰੀ ਭਾਈਚਾਰੇ ਅਤੇ ਨੌਜਵਾਨਾਂ ਨੇ ਵੱਡੀ ਗਿਣਤੀ ਵਿੱਚ ਹਾਜ਼ਰੀ ਭਰੀ। ਸਜਾਏ ਗਏ ਮੰਚ, ਰੌਸ਼ਨੀ ਦੇ ਸਜਾਵਟੀ ਪ੍ਰਬੰਧ ਅਤੇ ਫੁੱਲਾਂ ਦੀਆਂ ਸਜਾਵਟਾਂ ਨੇ ਸਮਾਰੋਹ ਦੀ ਰੌਣਕ ਵਧਾਈ।
ਸ:ਨਾਗਰਾ ਨੇ ਆਯੋਜਕ ਮੰਡਲਾ ਦਾ ਧੰਨਵਾਦ ਕੀਤਾ ਕਿ ਉਨ੍ਹਾਂ ਨੇ ਇਸ ਪਵਿੱਤਰ ਮੌਕੇ ਨੂੰ ਮਨਾਉਣ ਲਈ ਇੰਨਾ ਸੁੰਦਰ ਅਤੇ ਸਫ਼ਲ ਪ੍ਰੋਗਰਾਮ ਕਰਵਾਇਆ। ਉਨ੍ਹਾਂ ਨੇ ਕਿਹਾ ਕਿ ਇਹੋ ਜਿਹੇ ਧਾਰਮਿਕ ਸਮਾਗਮ ਲੋਕਾਂ ਦੇ ਮਨਾਂ ਵਿੱਚ ਆਧਿਆਤਮਿਕਤਾ ਦੀ ਭਾਵਨਾ ਪੈਦਾ ਕਰਦੇ ਹਨ ਅਤੇ ਨੌਜਵਾਨ ਪੀੜ੍ਹੀ ਨੂੰ ਆਪਣੀ ਸੰਸਕ੍ਰਿਤੀ ਨਾਲ ਜੋੜਦੇ ਹਨ।
ਇਸ ਮੌਕੇ ਕੌਂਸਲਰ ਗੁਲਸ਼ਨ ਰਾਏ ਬੋਬੀ,ਪ੍ਰਵੀਨ ਕੁਮਾਰੀ,ਯਸ਼ਪਾਲ ਲਹੌਰੀਆ,ਗੁਰਪ੍ਰੀਤ ਸਿੰਘ ਲਾਲੀ,ਨਰਿੰਦਰ ਕੁਮਾਰ ਪ੍ਰਿੰਸ,ਗੁਰਸ਼ਰਨ ਸਿੰਘ ਬਿੱਟੂ,ਮਨਦੀਪ ਭੀਮਾ,ਰਵਿੰਦਰ ਬਾਸੀ,ਗੁਰਜੀਤ ਲੋਗੀ,ਰਾਜੀਵ ਕੁਮਾਰ,ਐਡਵੋਕੇਟ ਅਨਿਲ ਕੁਮਾਰ ਗੁਪਤਾ,ਬਨੀ ਆਦਿ ਹਾਜ਼ਰ ਸਨ।
