9ਵੀਂ ਬੋਸ਼ੀਆ ਨੈਸ਼ਨਲ ਚੈਂਪੀਅਨਸ਼ਿਪ ਸ਼ਾਨੋ ਸੌਕਤ ਨਾਲ ਸੰਪੰਨ

ਜੈਤੋ, ਰੂਪ ਨਰੇਸ਼:

ਬੋਸ਼ੀਆ ਇੰਡੀਆ ਵੱਲੋਂ 9ਵੀਂ ਸਬ ਜੁਨੀਅਰ, ਜੂਨੀਅਰ ਅਤੇ ਸੀਨੀਅਰ ਬੋਸ਼ੀਆ ਨੈਸ਼ਨਲ ਚੈਂਪੀਅਨਸ਼ਿਪ ਬੋਸ਼ੀਆ ਇੰਡੀਆ ਦੇ ਚੇਅਰਮੈਨ ਅਸ਼ੋਕ ਬੇਦੀ, ਪ੍ਰਧਾਨ ਜਸਪ੍ਰੀਤ ਸਿੰਘ ਧਾਲੀਵਾਲ ਅਤੇ ਜਨਰਲ ਸਕੱਤਰ ਸ਼ਮਿੰਦਰ ਸਿੰਘ ਢਿੱਲੋਂ ਦੀ ਯੋਗ ਅਗਵਾਈ ਹੇਠ ਏ ਐਮ ਟੀ ਜ਼ੈੱਡ ਕੈਂਪਸ ਦੇ ਇੰਡੀਆ ਐਕਸਪੋ ਸਿਟੀ ਹਾਲ ਵਿੱਚ ਵਿਸਾਖਾਪਟਨਮ (ਆਂਧਰਾ ਪ੍ਰਦੇਸ਼) ਵਿਖੇ 8 ਜਨਵਰੀ ਤੋਂ 16 ਜਨਵਰੀ 2025 ਤੱਕ ਕਰਵਾਈ ਗਈ ਜੋ ਕੇ ਸ਼ਾਨੋ ਸ਼ੌਕਤ ਨਾਲ ਸਮਾਪਤ ਹੋਈ। ਬੋਸ਼ੀਆ ਫੈਡਰੇਸ਼ਨ ਆਫ਼ ਇੰਡੀਆ ਦੇ ਮੀਡੀਆ ਇੰਚਾਰਜ ਪ੍ਰਮੋਦ ਧੀਰ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਹਿਲੇ ਦਿਨ ਓਪਨਿੰਗ ਸਰਮਨੀ ਕਰਕੇ ਮੈਚ ਸ਼ੁਰੂ ਕੀਤੇ ਗਏ ਸਨ।ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਵਾਈਸ ਚੈਅਰਮੈਨ ਆਫ ਇੰਡੀਅਨ ਆਰਮੀ ਸਟਾਫ਼ ਐਨ ਐਸ ਰਾਜਾ ਸੁਬਰਾਮਨੀ, ਵਿਸ਼ੇਸ਼ ਮਹਿਮਾਨ ਵਜੋਂ ਬੋਸੀਆ ਇੰਡੀਆ ਦੇ ਚੇਅਰਮੈਨ ਅਸ਼ੋਕ ਬੇਦੀ, ਏਐਮਟੀਜੈਡ ਦੇ ਫਾਊਂਡਰ ਐਂਡ ਸੀਈਓ ਜਤਿੰਦਰ ਸ਼ਰਮਾ, ਆਈਸੀਐਮਆਰ ਦੇ ਸਾਇੰਟਿਸਟ ਡਾਕਟਰ ਰਵਿੰਦਰ ਸਿੰਘ ਤੇ ਡਾਕਟਰ ਆਸ਼ੂ ਗਰੋਵਰ, ਆਂਧਰਾ ਪ੍ਰਦੇਸ਼ ਬੋਸੀਆ ਦੇ ਸਟੇਟ ਸੈਕਟਰੀ ਰਾਮਾ ਸੁਬਾਰਾਓ ਨੇ ਪਹੁੰਚ ਕੇ ਖਿਡਾਰੀਆਂ ਦੀ ਹੌਂਸਲਾ ਅਫ਼ਜਾਈ ਕੀਤੀ ਸੀ। ਕਲੋਜਿੰਗ ਸਰਮਨੀ ਮੌਕੇ ਮੁੱਖ ਮਹਿਮਾਨ ਵਜੋਂ ਸ਼੍ਰੀ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਵਿਧਾਇਕ ਹਲਕਾ ਗਿੱਦੜਬਾਹਾ ਨੇ ਸ਼ਿਰਕਤ ਕੀਤੀ।

ਇਸ 9ਵੀ ਬੋਸ਼ੀਆ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਬੀ ਸੀ 1 ਕੈਟਾਗਰੀ ਦੇ ਮੇਲ ਵਿਚੋਂ ਈਸ਼ਵਰ ਐਚ ਐਮ ਕਰਨਾਟਕਾ ਨੇ ਪਹਿਲਾ, ਫੀਮੇਲ ਵਿਚੋਂ ਸੰਧਿਆ ਅਸਾਮ ਨੇ ਜਿੱਤ ਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਬੀ ਸੀ 2 ਕੈਟਾਗਰੀ ਮੇਲ ਵਿਚੋਂ ਰਵਿੰਦਰ ਰਾਜਸਥਾਨ ਤੇ ਫੀਮੇਲ ਵਿਚੋਂ ਆਰ ਲਕਸ਼ਮੀ ਪ੍ਰਭਾ ਤਮਿਲ ਨਾਢੂ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਬੀ ਸੀ 3 ਕੈਟਾਗਿਰੀ ਮੇਲ ਵਿਚੋਂ ਅਸਾਮ ਦੇ ਖਿਡਾਰੀ ਸਚਿਨ ਚਾਮਰੀਆ, ਰੈਂਪ ਆਪਰੇਟਰ ਦੀਬਨ ਸਸਨੀ ਨੇ ਤੇ ਫੀਮੇਲ ਵਿਚੋਂ ਹਿਮਾਚਲ ਪ੍ਰਦੇਸ਼ ਦੀ ਖਿਡਾਰਨ ਅੰਜਲੀ ਦੇਵੀ ਤੇ ਰੈਂਪ ਆਪਰੇਟਰ ਪ੍ਰਿਯੰਕਾ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।

ਬੀ ਸੀ 4 ਕੈਟਾਗਰੀ ਮੇਲ ਵਿਚੋਂ ਜਤਿਨ ਕੁਮਾਰ ਕੁਸ਼ਵਾਹ ਉੱਤਰ ਪ੍ਰਦੇਸ਼ ਤੇ ਫੀਮੇਲ ਵਿਚੋਂ ਅੰਨਾਪੂਰਣਾ ਕਰਨਾਟਕਾ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਸ ਤੋਂ ਬਿਨਾਂ ਸਾਰੀਆਂ ਕੈਟਾਗਰੀਆਂ ਦੇ ਪੇਅਰ ਮੈਚ ਵੀ ਕਰਵਾਏ ਗਏ ਉਹਨਾਂ ਵਿਚੋਂ ਵੀ ਜੇਤੂ ਖਿਡਾਰੀ ਚੁਣੇ ਗਏ।

ਸਾਰੇ ਜੇਤੂ ਖਿਡਾਰੀਆਂ ਨੂੰ ਮੈਡਲ ਅਤੇ ਸ਼ਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਹ ਚੈਂਪੀਅਨਸ਼ਿਪ ਅੰਤਰਰਾਸ਼ਟਰੀ ਪੱਧਰ ਦੇ ਤਰੀਕੇ ਵਾਂਗ ਹੀ ਕਾਰਵਾਈ ਗਈ।

ਇਸ ਚੈਂਪੀਅਨਸ਼ਿਪ ਦੇ ਜੇਤੂ ਖਿਡਾਰੀਆਂ ਵਿੱਚੋਂ ਅੱਗੇ ਹੋਣ ਨਾਲੇ ਨੈਸ਼ਨਲ ਟ੍ਰੇਨਿੰਗ ਕੈਂਪ ਲਈ ਸਿਲੈਕਸ਼ਨ ਕੀਤੀ ਜਾਵੇਗੀ। ਵਰਲਡ ਬੋਸ਼ੀਆ ਦਾ ਕੈਲੰਡਰ ਆ ਚੁੱਕਾ ਹੈ। ਜਿਸ ਵਿਚ 19 ਈਵੈਂਟ ਕਰਵਾਏ ਜਾਣੇ ਹਨ ਜਿਨ੍ਹਾਂ ਵਿੱਚ ਇਸ ਨੈਸ਼ਨਲ ਬੋਸ਼ੀਆ ਚੈਂਪੀਅਨਸ਼ਿਪ ਦੇ ਜੇਤੂ ਖਿਡਾਰੀਆਂ ਦੇ ਟਰਾਇਲ ਕਰਵਾਉਣ ਉਪਰੰਤ ਭਾਰਤ ਵੱਲੋਂ ਅੱਗੇ ਅੰਤਰਰਾਸ਼ਟਰੀ ਮੁਕਾਬਲਿਆਂ ਲਈ ਭੇਜਿਆ ਜਾਵੇਗਾ।

ਇਸ ਚੈਂਪੀਅਨਸ਼ਿਪ ਨੂੰ ਸਫ਼ਲ ਬਣਾਉਣ ਲਈ ਬੋਸ਼ੀਆ ਇੰਡੀਆ ਦੇ ਕੋਚ ਗੁਰਪ੍ਰੀਤ ਸਿੰਘ ਧਾਲੀਵਾਲ, ਦਵਿੰਦਰ ਸਿੰਘ ਟਫੀ ਬਰਾੜ, ਅਮਨਦੀਪ ਸਿੰਘ ਬਰਾੜ, ਡਾ. ਰਮਨਦੀਪ ਸਿੰਘ, ਡਾ ਲਾਕਸ਼ੀ, ਡਾ ਨਵਜੋਤ ਸਿੰਘ ਬੱਲ, ਸਿਮਰਨ ਕੌਰ ਰੰਧਾਵਾ, ਮਨਪ੍ਰੀਤ ਸਿੰਘ ਸੇਖੋਂ, ਜਸਵਿੰਦਰ ਸਿੰਘ ਜੱਸ ਧਾਲੀਵਾਲ, ਕੁਲਦੀਪ ਸਿੰਘ, ਜਸਇੰਦਰ ਸਿੰਘ ਢਿੱਲੋਂ, ਯਾਦਵਿੰਦਰ ਕੌਰ, ਜਗਰੂਪ ਸਿੰਘ ਸੂਬਾ, ਸੁਖਜਿੰਦਰ ਸਿੰਘ ਸੁੱਖ ਆਦਿ ਨੇ ਆਪਣੀਆਂ ਸੇਵਾਵਾਂ ਬਾਖੂਬੀ ਨਿਭਾਈਆਂ। ਦੇਸ਼ ਭਰ ਤੋਂ ਇਸ ਚੈਂਪੀਅਨਸ਼ਿਪ ਵਿੱਚ 21 ਰਾਜਾਂ ਦੇ 103 ਖਿਡਾਰੀਆਂ ਨੇ ਹਿੱਸਾ ਲਿਆ ਅਤੇ ਲਗਭਗ 50 ਆਫੀਸ਼ੀਅਲਾਂ ਨੇ ਪੁਹੰਚੇ ਆਪਣੀਆਂ ਸੇਵਾਵਾਂ ਦਿੱਤੀਆਂ। ਇਸ ਤੋਂ ਪਹਿਲਾਂ 2021 ਵਿੱਚ ਗੀਟਨ ਯੂਨੀਵਰਸਟੀ ਵਿਸਾਖਾਪਟਨਮ ਵਿਖੇ ਵੀ ਨੈਸ਼ਨਲ ਬੋਸ਼ੀਆ ਚੈਂਪੀਅਨਸ਼ਿਪ ਕਰਵਾਈ ਜਾ ਚੁੱਕੀ ਹੈ। ਉਸ ਸਮੇਂ ਵੀ ਸਾਰੇ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ ਅਤੇ ਆਂਧਰਾ ਪ੍ਰਦੇਸ਼ ਬੋਸ਼ੀਆ ਸਟੇਟ ਟੀਮ ਅਤੇ ਬੋਸ਼ੀਆ ਇੰਡੀਆ ਟੀਮ ਨੇ ਵਿਸ਼ੇਸ਼ ਸਹਿਯੋਗ ਦਿੱਤਾ। ਇਸ ਵਾਰ ਵੀ ਬੋਸ਼ੀਆ ਖਿਡਾਰੀਆਂ ਆਪੋ ਆਪਣੀ ਖੇਡ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।

‘ਨਿਊਜ਼ ਟਾਊਨ’ ਦੇ ਪੱਤਰਕਾਰ ਬਣਨ ਲਈ ਸੰਪਰਕ ਕਰੋ।
ਅਸੀਂ ਤੁਹਾਨੂੰ ਆਪਣੀ ਖ਼ਬਰ ਆਪ ਇਸ ਵੈਬਸਾਈਟ ’ਤੇ ਪਾਉਣ ਦੀ ਸਹੂਲਤ ਦੇਵਾਂਗੇ।
ਰੂਪ ਨਰੇਸ਼ (ਮੁੱਖ ਸੰਪਾਦਕ) 
+91-80545-08200

ਤਾਜ਼ਾ ਤਾਰੀਨ